अख्तियार दुरुपयोग अनुसन्धान आयोगमा कार्यरत डीआईजीको सरुवा

काठमाडौँ । अख्तियार दुरुपयोग अनुसन्धान आयोगमा कार्यरत नेपाल प्रहरीका नायव महानिरीक्षक (डीआईजी) हिमालयकुमार श्रेष्ठको सरुवा भएको छ । उनलाई गृहमन्त्री स्तरीय निर्णयबाट उपत्यका प्रहरी कार्यालय रानीपोखरीमा सरुवा गरिएको हो।

उनको ठाउँमा अख्तियारमा डीआईजी ओमबहादुर रानालाई पठाइएको छ । उनलाई हालै डीआईजीमा बढुवा गरिएको थियो । 

पछिल्लो समय अख्तियार दुरुपयोग अनुसन्धान आयोगले भिजिट भिसा प्रकरणमा विमानस्थल अध्यागमन कार्यालयका तत्कालीन प्रमुख तीर्थराज भट्टराई लगायतमाथि अनुसन्धान गरिरहेको छ । जसमा गृहमन्त्री रमेश लेखकको समेत नाम जोडिएको छ ।

विपक्षी दलहरुले गृहमन्त्रीको राजीनामा माग गरिरहेका छन् । सोही समयमा गृहमन्त्री स्तरीय निर्णयबाट अख्तियारकै प्रहरी प्रमुख परिवर्तन भएका हुन् ।